歡迎轉貼！

地址 : 旺角太子道西193號新世紀廣場5樓美食天地543店
電話 : 2628 3428
菜式 : 京川滬 (外賣店, 中菜館, 小食, 海鮮)
消費 : 儉 (每人 $40 以下)

我同女朋友見呢間野係成個foodcourt最平，咁就幫襯佢地啦。

佢叫左$22的上海粗炒，有一杯豆漿，有個粉絲湯。個上海粗炒就又冇肉又冇菜，淨係得麵，仲有陣梘水味；杯豆漿就溝哂水；粉絲湯就不過不失啦。

我叫左$28的回鍋肉套餐，有個菜飯，有個酸辣湯，仲有杯柑桔蜜。我都係貪佢有酸辣湯飲，點知一飲落去，嘩！得個酸字，仲要係不尋常的酸，好似變壞左咁，飲左兩啖就頂唔順；個菜飯硬掘掘，又係有怪味，都唔知D飯熟未；回鍋肉還可以，但杯柑桔蜜應該又係溝左好多水。

o係我地講緊D野有幾難食o既時候，原來隔離兩位小姐都都中左招，又係買左返黎食左幾啖就頂唔順。隔離位小姐好似係食糖醋魚，話D野食”肅”左。佢仲話見到之前有人叫左個雲吞雞，食淨成三份二就走左……

我女朋友頂唔順，食左幾啖就食唔落，話要買其他野食。咁我條氣又唔順，就拎返我個餐同佢講話ｄ野有問題啦，佢地D態度又差，我話個酸辣湯有問題，有個阿姐仲話「酸辣湯梗係酸架啦！」唔好玩我啦，我又唔係未飲過酸辣湯，都未飲過咁難飲的酸辣湯。有個阿姐態度好差咁問我想點，另一個阿姐就話「佢都係想唔俾錢姐」，咁就退返錢俾我。

本來都算啦，退返一個餐錢，我同女朋友買碗雲吞麵share就算。我都唔好意思叫佢退埋另一個餐，當自己唔好彩就算。不過見佢頭先態度咁差，咪拎返盤上海粗炒俾佢，同佢講「D野咁難食，我還返俾你」。點知個阿姐仲聲大大咁我玩野搞搞陣，仲叫我報警！又話淨係得我一個覺得佢地D野有問題。我咪話唔係呀，係四個人都覺得你地D野食有問題呀！

跟住仲好笑，佢話我隔離個小姐都唔係幫襯佢。果兩位小姐都睇唔過眼，出黎幫我口，個阿姐仲係咁鬧鬧鬧，結果個小姐打埋去食環署……我本來都想投訴埋佢碗酸辣湯同菜飯，不過食環署個職員話佢退返錢俾你，就即係冇賣過俾你架喇！原來係咁，所以順便提一提大家，如果ｄ野食真係有問題要call食環署，千奇唔好俾人收返D野食。

總之呢間野就呢世人都唔會再去架喇！

P.S. 抵食係1分，因為佢雖然係平，但成盤都唔食得，即係白俾錢，我捐左ｄ錢好過。

http://www.openrice.com/restaurant/sr2.htm?shopid=13347

第一次嘗試用Microsoft Publisher，不是太懂用，慢慢我會學懂的。
不過太多東西想學了……

遊記是PDF format的
http://www.divshare.com/download/4289113-8da

還是喜歡用mocasting！

在那邊我會談些比較「正經」的事，也希望可以定期更新（目標設為一星期兩次吧），作為迫自己每天寫作的訓練。
希望大家多多支持吧！畢竟我已經把網誌荒廢很久了……

這裡可能會更新得比較慢了，但我會盡量Upload一些吃喝玩樂的文章上來的。

照片也懶得貼了，到我相簿看吧。
http://www.fotop.net/dailo323/2008flowershow

我覺得這兩隻阿福很可愛呢！不過太貴了，替你們拍張照算了。

一群我不知道是誰的明星。可能我已經過了十八廿二，對這些明星已經不感興趣了。不過，那隊Hotcha，到旺角應該可以找到一百隊吧？

$15一大串棉花糖，我們吃不完呢！你和棉花糖怪獸在對望呢，大家都想吃了大家！不成呀，你是我的！之後有人變了棉花糖超人，哈哈～～

我們的收穫。樂天熊仔餅很可愛呢，以後你在公司見到餅餅，就會想起我們逛年宵了。左邊的Condom是買給細佬的，不過我覺得當坐墊應該不舒服的。

路人甲替我們拍的合照。我剪了新髮型過年呢，不過被人說是七頭，噢．．．

其他花絮：

更多照片：
http://www.fotop.net/dailo323/2008fair

我們到了旺角女人街左看右看，只有磨菇鞋算是比較好的選擇。
最便宜的攤檔賣四十元一對，相比起十元一對的monchichi拖鞋，實在買不下手。有一檔的阿姐更過份，我們問價，她說：
「原價五十九，睇o岩五十五俾你啦！」
「我頭先見到四十蚊都唔買喎！」
「咁你唔駛旨意買喇。」
「阿姐，唔好玩我啦！」我心想。早前我們在廟街看過，好像只是三十多元一對。
「就去老廟買俾你睇！」我們決定遲些再到廟街買磨菇鞋。

當晚，心血來潮，獨個偷偷地走到廟街看看磨菇鞋，原價三十五元一對。我還價三十，哥哥仔爽快答應。我拿出錢包，本打算拿出一張十元紙幣和一張二十元紙幣，怎料一拿卻拿了五十元和十元紙幣。就買一對給自己吧！

任務完成，吃個煲仔飯奬勵自己！